Esti llunes discútese nel plenu del ayuntamientu de Nava la moción que presentó la plataforma contra la llínia Anillu Central d'Asturies (lo que yera la llínia Costa Verde), na que d'aprobase, l'ayuntamientu comprometeríase a tomar toles medíes llegales que tean de la so mano pa evitar el pasu de la llínia,
El xueves pasáu aprobóse nel ayuntamientu de Xixón una moción nos mesmos términos; confiamos en que'l nuesu ayuntamientu nun seya menos y convidamos a tol vecindariu d'El Remediu y al de Nava en xeneral, a ASISTIR AL PLENU ESTI LLUNES 18 DE XINERU (a les 20:00h), pa facer ver una vez más a los y les conceyales que la tienen que votar, la oposición ciudadana al desarroyu d'un proyectu d'esti tipu y apoyor cola nuesa presencia l'aprobación de la moción. Y ya que vamos, pa identificar bien la nuesa demanda habíemos rebuscar nel armariu aquelles camisetes amarilles que teníemos per ehí que van venir mui bien pa la ocasión.
La ocasión merez que fagamos un esfuerzu por dir y por convidar a los y les nueses conocíes a que nos acompañen y empecipiar a recuperar un poquñín el nivel de movilización vecinal que tuvimos allá pel 2011 - 2012, que tovía nos va facer buena falta.
 |
| El Remediu en el Pleno de 2011 |
No hay comentarios:
Publicar un comentario