Sustiferies: Fiestes El Remediu

Sustiferia Sábadu 14 a les 10:00h nel Centru Social

Esti sábadu 14,  quedóse nel Centru Social a les 10:00h pa iguar la pancarta contra l'alta tensión qu'había onde la gasolinera. 

Imagen: Proyect 52 PRO

AVV El Remediu

SUSTIFERIA 13 DE XUNU

SUSTIFERIA, SÁBADOS DENDE’L 15 DE NOVIEMBRE A LES 10.00h,

Convócase al vecindariu d’El Remediu a sustiferia:

SÁBADOS DENDE’L 15 DE NOVIEMBRE A LES 10.00h,
nel CENTRU SOCIAL de La Pría.

El plan ye cambiar el tendeyón de la terraza d’atrás, y va danos bien de trabayu:

• Recoyer dientro
• Quitar tendeyón
• Preparar la madera de la parte d’afuera la terraza.
• Llimpiar per detrás
• Solucionar probema humedaes...

Empecipiamos esti sábadu y tendremos que dir más d’unu hasta que pongamos otra vuelta’l tendeyón.


                                                                                  AVV D’EL REMEDIU

Sustiferia

Convócase al vecindariu d’El Remediu a sustiferia esti

SÁBADU 24 DE MAYU

A LES 10.00h,

nel CENTRU SOCIAL de La Pría

 

La idea ye acondicionar un pocu’l Centru Social:

-      Iguar y llimpiar canalones

-      Reparar la fachada

-      Llimpiar per detrás

AVV D’EL REMEDIU

Fuente El Forcau despues de la sustiferia

Avisu Sustiferia

Sustiferia el sábadu 15 de Xunu  a les 10:00h na fuente'l Forcáu: hai que ponela guapa pa la Foguera San Xuan.

La Fonte Fonfría

Fonfría ye una fonte asitiada nel conceyu de Nava, parroquia d'El Remediu, ente los llugares de Villamartín de Riba y Villamartín de Baxo, nun paraxe de castañales y otra xamasca, lladera d'una llomba, compañera d'un regatu que ñaz cercano ente les lloses de La Xenra y S. Pedru y al que-y da la so abundante agua. Solitaria, silenciosa, homilde, damos permanentemente un agua cristalina, bebible, fresco, alimenta la memoria popular con leyendes de tesoros de moros, ...( tovía queden señales de lo que cavó na so rodiada nos 40 del sieglu pasáu un vecín ambiciosu y creyible).

Tien por vecinos topónimos vieyos, tamién suxerentes: Les Xanes, El Vellon, Villa, La Xenra, Cortina, La Rabillonga, El Cantu Los Llargatos, La Cuesta'l Rebollu,...

Realmente sabemos pocu della, na más que nel 1935 un afamáu albañil de la zona , Lilu de Ca Modesto, arregló los caños y costruyó'l llavaderu dándo-y la estampa agora avieyada y en peligru que mantién. Recuérdase'l llavaderu llenu de moces, viníes de los contornos hasta Llames, y los corros a la espera dándo-y coles sos chances, conversaciones y cantares allegría al llugar. Merecíase Fonfría un cantor como D. Juan María Acebal a la fonte Fascura:

A ti van les rapaces
y enllenen la ferrada;
si alguna al dir foi triste
de güelta alegre canta:

“¡ay! L'agua que corría,
  ¡ay! l'agua que manaba,
  ¡ay! De la fonte fría,
  ¡ay! De la fonte clara
  ¡Bebíla y consoleme!
  ¡Bendita sea so gracia!“
    .....

Por ciertu que Lillu mozu allegre, trabayador, dau a los demás, pagó nel negru períodu represivu que siguió a la guerra civil cola so vida les sos fuertes convicciones republicanes.

Fonfría escuéndenos tamién munchos secretos que vio dende la so privilexada posición. Les maniobres de les partides de caza de los antiguos pobladores. La desapaición de viesques pa convertise nes lloses de cultivu que l'arrodien pel norte. La so rellación cola posible y cercana Villa Martín, tardoromana, y el surdimientu de los poblamientos Villa Martín de Riba y Villa Martín d'Allende(huei Villamartín de Baxo). El llevantamientu de la capilla medieval de S. Pedru. El cambiu de civilizaciones y formes de vida. El pasu d' hordes astures, centuries romanes, árabes, mesnades cristianes, franceses, carlistes, ...persones y perxonaxes pol nos últimos sieglos cercanu Camín Real y siempre camín natural pel centru d'Asturies pa comunicar l'oriente y l'ocidente, y que en delles d'époques debió pasar pela so vera alternando col pasu pola Cuesta'l Rebollu según el tiempu y l'estáu'l camín.

Agora con un susurru seliquín recuérdamos que ye una ayalga cultural ya hestórica, que sigue siendo fonte de vida cola so agua abundante, llimpia y clara, agua cada vez más escasa nesta sociedá despilfarradora colos bienes naturales y culturales, pídemos suavino la nuesa atención y ...quiciaves un día mos desvele dalgún de los sos secretos.

P.D.

Los pasaos dis fízose una sustuferia urxente pa enderechar el teyáu y aseguralu frente a los posibles temporales de ñeve, pero ye solo un remiendu, ñecesítase el trabayu d'una escuela taller con apoyu de los vecinos y vecines y eso ficimos llegar al Ayuntamientu.

Texto: Roberto
Fotografía: Mercedes