SUSTIFERIA 13 DE XUNU

12 de junio - Tarde Infantil

Tarde de Convivencia Infantil con Chocolatada pa neñes y neños y acompañantes: Ye gratis El viernes 12 de xunu de 6 a 8 de la tarde en Centru Social d’El Remediu. Apúntate nel mesmu centru antes del 11 de xunu. Además de merendar fadremos más coses :xugar, contar histories, cuentos o lo que más apetezca……..                  ¡ Esperámoste ¡

Reseña Sustiferia Abril 2015

L'otru sábadu, acabante'l mes d'abril, tuvimos un bon garrapiellu xente trabayando un pocu na Fonte'l Forcáu. Por nun variar, siempre s'apunten 3 o 4 "inxenieres", xente que sabe y s'atreve a plantear una obra, que tien maña y pon procuru en que quede curioso. 

Pero tamién nos atrevemos otres, qu'anque nun sabemos del tema siempre podemos facer les llabores un tantu menos cualificaes pero igual de necesaries. Iguamos la mitá del teyáu, dexamos casi restaurada la muria del llavaderu, tiramos d'alguna caña qu'en pocu tiempu diba volver metese en teyáu...

Pa esti sábadu 9 volvemos: queremos acabar d'iguar el teyáu y la muria, y ponenos ya a llimpiar y acondicionar el restu l'entornu que nesti tiempu, si lu dexamos, queda siempre tomáu pola yerba y los artos.

Arrímate y si vienes yá de casa col preséu que más te preste, meyor que meyor.

Fotografías y vídeo cedidos por David Ripoll. Gracias, David.

Sustiferia Na Fonte’l Forcáu

Sustiferia Na Fonte’l Forcáu

Convócase al vecindariu d’El Remediu a sustiferia esti 

SÁBADU 9 DE MAYUA LES 10.00h,na fuente'l Forcáu

• Reparación del teyáu (II)
• Llimpieza y acondicionamientu del entornu 

AVV D’EL REMEDIU

Charla "Cuidando al cuidador"

Sustiferia Sábadu 25 d'Abril

SUSTIFERIA: Convócase al vecindariu d’El Remediu a sustiferia 

SÁBADU 25 D'ABRIL A LES 10.00h

Fuente'l Forcáu

Ya va bien de tiempu que'l teyáu del llavaderu tien bona falta d'arreglase. Queremos aprovechar pa iguar tamién les muries, y ver cómo se pue plantear la reparación o sustitución del tendeyón que se punxera nel so momentu na zona na que tan les meses.

AVV D’EL REMEDIU

El Glayíu

¡EXTRA¡ ¡EXTRA!

¿Visti daqué y nun te cree naide cuando-y lo cuentes? 

¿Escribisti un cuentu y nun te lu publicó la editorial más grande qu’atopaste? 

¿Sácate fotos la cámara ensin querer y nun sabes qué facer con elles? 

¿Tienes bona mano pal dibuxu y quies compartilo col to vecindariu?

Si te pasó dalgún d’estos casos, o si non te pasó pero quies contar, dibuxar, fotografiar... daqué, habíes mandar les tos aportaciones a avvelremediu@gmail.com o dexáles nel Centru Social de La Pría.

Tamos yá pa preparar la edición d’EL GLAYÍU y toles aportaciones son mui bien llegaes (por eso de que salga una revista amañosa).